Kens profil層層蝶BillederBlogListerMere  |  Funktioner Hjælp |
|
|
層層蝶層層碟 24. juli 累了...曾否有人站在我的立場為我想過一秒鐘, 妳想這樣…. 她想那樣, 我本想圓滿收場, 卻兩頭唔到岸, 各有各的道理, 我也有我的道理, 能否聽聽我的呢?我已經厭倦了~可否讓我多休息一會, 或可否再為我增添多一些煩惱…好讓我有足夠動力去做我想做的事? 原來的開心事已不再開心了! 只剩下殘破的關系, 如何修補? 如何挽救? 說真的, 所能做的我已經做過了, 兩位請見諒! 我可以做一個好老公, 我可以做一個好兒子, 但我卻不能做好你們中間人的角色! 是否我的問題? 面對兩個生命中最重要的女人對我作出的指控, 說真的…該做的我已經做過了! 倦了…累了… 5. maj 上川島之旅終於到左要影結婚相的時刻了,星期六一大清早四點多從家出發開始我們一整天的拍照之旅,經過兩個多小時的車程及半小時船程後,終於到達我們的目的地---上川島!之前幾天天氣都不是很好,我和BB都很擔心會不成行,幸運地天公造美陽光在我們踏足上川島的一刻照耀著我們!換衫及化妝後,我們開始拍攝行程,首先到一個石灘上取景,攝影著我倆擺出各種姿勢---笑,笑,笑---美女頭抬高一點...美女...美女...BB可能緊張得滯聽唔到攝影師叫我們擺的動作,攪到攝影師一頭煙~~然後我們到了很多不同的地方去影.....笑到已經有點麻木了,最常聽到的就是:先生,笑容太假了!我跟BB給了攝影師很多意見,拍了很多獨一無二的影片,很期待睇相的日子呢~~ 27. marts 生日快樂從以往生日派對的大堆頭場面,到現在在宿舍的房間對著電腦過,感覺新奇,人是長大了!朋友們,兄弟們,好掛住你地呢!幾時又可以好似以前咁一齊去玩呢??呢個問題我都唔知!總之多謝今晚有打電話...SMS...MSN給我生日祝福的人!好讓我不致孤獨得發荒! 5. december 我在忙...每日忙...繼續忙...睇睇已經好耐無寫過blog啦!近期真係忙得不可開交~工程進入衝剌階段,希望可以快D完結返屋企啦!上個weekend返左香港,見到好多老友,發覺原來我已經好耐無放過假啦!星期六jason結婚去左做兄弟,之前有段空閒時間,同BB去左睇我地目標既擺酒場地,結果好多都已經book到09年呢!點解D人要咁早book定呢???真唔明~唯有再搵啦!
近排忙到有D忽略左身邊既人,發覺好耐無同BB去街街,去影相,去週圍玩呢!有時候仲會向佢發D小脾氣,對唔住呢BB~~我都明白你好想我陪你既感覺,希望你唔好因為咁而唔開心啦!過多兩個月我就可以陪你週遊列國去玩去影相,同埋最緊要既就係準備我地個大 project的了!你等多一陣啦~~好快架啦~~ 14. august 位置...唔知大家有無曾經為過身邊既野去排位置?
家庭,事業,友情,愛情,健康!曾幾何時我以為自已會將事業放係最後,但係我最近先發覺,我為左事業而無左好多同家人,朋友,情人一齊既時間,甚至健康也差了,究竟咁樣係岩定錯呢?我都唔識答只係知道我依家須要既係一日甚至半日假期都好,好讓我的身心都能休息一下! 20. juli 談論主題 自動反省
引述 自動反省 18. juni 保家眷為己任好耐都無玩過了,尋日一大清早同啤鬼出發去遊船河,雖然人係少D,但係都好好玩,夜晚同左老豆去食飯雖然只係一餐飯,睇得出我老豆都已經好開心,其實我老豆唔發脾氣既時候都幾可愛的,夜晚同成班人一齊去左飲野,傾下傾下同阿joe個老公傾到D家庭問題,好一句做男人!要以保家眷為己任!又學到野啦!男人係要有一顆咁既責任心先叫得上大男人,希望我身邊所有朋友都可以做到咁大男人啦!俾到身邊既人有幫佢遮風擋雨o既安全感,再強既女人都會變成小鳥伊人啦!兄弟們!!努力啦!!! 4. maj ............最近遇上一個不分是非黑白,人云亦云既人,本來我對這個人的感覺也不是很差,但有時候他那些咀臉的確令人難受,可能是聽得太多的閒言閒語吧!期待他會有醒覺的一天,不過都好渺茫!! 2. maj 一週年紀念好耐無寫blog了,最近比較忙些少,生活過得比以前充實,好開心呢!D人話我犯賤呢!多野做先開心!其實都幾架!
今日係同粉絲小姐既相識一週年紀念日呢!一年前既今日,佢俾我既印象就係....一個字....串~哈哈,果陣時真係估唔到我地會一齊呢!而且仲發展得咁好,一齊呢九個月過得好開心呢!我地互相帶領對方走入一個陌生的世界,以前唔會專登去影相既我,依家會,以前唔會行藝術展覽既我,依家會....以前唔會對住成班人去劈酒既佢依家正在努力中~佢帶我去睇呢個世界好有文化既一面,而我帶佢去睇呢個世界燈紅酒綠既另一面....互補不足呢~好開心可以同你一齊,希望以後既日子都一樣幸福快樂!!我愛你~~ 29. marts 累了現在的感覺真的很累,相比起來,祥威的日子可輕鬆的多,心靈上的累永遠比肉體上的來得痛苦,長久~很想就此一走了之,雖說有點不負責任,但真的快要崩潰了,我情願你要我地受肉體上的痛苦,總比現在的好~~幾時先可以回歸正常呢?我諗我真的要想想離家出走的目的地了~~第一選擇一定係英國呢!但我真的可以嗎???我個頭就黎爆啦!!救命呀~救命呀~~  28. marts 再見...二十五~ 終於都過左二十歲既前半段,星期日多得一班好朋友為我慶祝,今年再不似往年了,平平靜靜大家食餐飯,吹吹水,聚聚舊就好了,不再像以往的要劈個你死我活,雖然之後都係去左飲酒,不過飲得都唔算多,但好開心~~其間阿joe問左我一個問題,佢問我地識左幾多年~~計計下, God,19年?有無咁耐呀大佬,答案係有架!好多時朋友會疏遠,會有爭執,有分岐,慶幸我地呢班小學同學咁多年都能夠維系到我地既感情,見到大多數人都拖住另外一半出席(無果D好快就會有架啦!放心),深感欣慰~一邊在想,若干年之後我地大家拖住既可能已經唔係另一半,而係大家既仔仔女女!一想到呢度就真係唔認老都唔得啦!
果日仲要多謝張德成先生夫人送左份我好鍾意既禮物俾我!玩到唔停得手呢~~姓張呢位人兄我諗我都唔駛介紹啦!雖然呢條友成日扮晒野唔緊人,唔多理人,但係佢心入面好看重我地D朋友呢!唔知佢同阿Co姐幾時結婚呢??快DD啦!唔該~~
之後果日同粉絲BB去左南丫島玩,先去租屋,之後同BB去行大運,搵到間印度餐廳食左晚飯之後就去到一間蛋糕店食甜品,呢間店既招牌蛋糕叫做豆腐芝士餅,我在藍苺和豆腐之間爭扎了很久,終於都係揀左藍苺,過左無幾耐我先知道原來我諗左咁耐都係無用既,因為已經有人精心幫我係度訂左個生日蛋糕,有好多生果係中間既呢!我地一人食左一件之後就叫老闆娘幫我地將個蛋糕打包返去慢慢食啦!之後返到房就到拆禮物時間啦~~~燈~燈~燈~~~原來係一支Cross筆呢~~查實呢支筆既深層意義仲大過佢既實際價值,BB話每個成功男入都會有支簽名筆,仲祝福我早日成功呢!我一定唔會令你失望的!我會好努力好努力好努力去發展自己事業的!!多謝妳! 1. marts 祥威的最後一天話咁快祥威就轉左手啦~~有人問我捨唔捨得,其實真係一半半啦,話晒都放左咁多心機落去,話完全無感覺就呃你架啦!不過好既就係可以過返D正常生活,我同阿媽都唔駛咁辛苦就真既~有個問題好想知既就係究竟下一手會做成點呢,話晒我地都開左個頭,我諗下手都應該幾他條下,希望阿華可以大個仔唔好再趕客就得啦!好多客都話唔捨得我地呢!有D仲係新老闆面前話以後唔落黎,我諗個新老闆心裡也真的不是味兒啊!咁樣其實都証明我地既努力係無白費到既,大家都已經變成朋友一樣(雖然有時都會為左D啤酒數有D拗撬)  但係得到咁多街坊支持左咁耐我地真係好衷心多謝佢地,願04-07年度既祥威與大家同在!阿門 12. februar Forever Love情人節就快到啦~我同粉絲小姐係度送首歌俾大家,希望大家情人節好似我地咁快樂~~
Forever Love-王力宏
愛你 不是因為你的美而已 我越來越愛你 每個眼神觸動我的心 因為你讓我看見Forever，才了解自己 未來這些日子 要好好珍惜 愛我 有些痛苦 有些不公平 如果真的愛我 不是理所當然的決定 感到妳的呼吸在我耳邊 像微風神奇 溫柔的安撫 我的不安定 所以我~要 每天研究你的笑容 ooh 多麼自然 forever love forever love 我只想用我這一輩子去愛你 從今以後 你會是所有 幸福的理由 愛情是場最美最遠的旅行 沿途雨季泥濘 偶爾阻礙我們的前進 感到妳的體溫在我懷裡 像陽光和煦 巧妙的融化 我的不安定 不可思議 證明我愛你的理由 ooh 多麼自然 forever love forever love 我只想我用這一輩子去愛你 從今以後 妳會是所有 幸福的理由 妳感動的眼睛 我沉默的聲音 彷彿就是最好的證明 就讓我在說一次 I love you oh (直到永遠) forever love forever love 我只想我用這一輩子去愛你 從今以後 妳會是所有 幸福的理由 Forever love forever love forever love 6. februar 幸福村巴今朝早起身諗起好似好耐無同粉絲小姐返工了於是入屯門突擊粉絲小姐,偷偷地跟住佢後面慢慢走近,到走到最近果刻佢既第一個反應簡直笑到我訓低咁滯~終於知道佢有幾唔鍾意D陌生人!哈哈~
三月份係一個轉捩點最近明白機會除左要自己爭取之餘都仲要配合際遇!呢個世界無懷才不遇既~有優點最終都會俾人發掘到!無左個包袱,成個人鬆晒!感覺終於可以做返自己!努力呀!陳文傑 17. januar 每個月總有D唔方便既日子唔知點解每個月總有幾日EQ特別低,好想鬧人,甚至打人,有好多野自己控制唔到,但係全世界都以為你係控制到,好想知道究竟自己發生咩事!我都唔知,好迷惘,好嬲,好唔開心,但係最仆街就係唔知為咩迷惘,為咩嬲,為咩唔開心~有無人可以開解下我呢? 12. januar 浪漫澳門遊 籌備左成個月終於都可以同粉絲小姐去出門旅行啦!雖然唔係好遠但係都總算離開香港啦~一大清早我就約粉絲小姐係碼頭等,拿完飛之後就去左食個好急既早餐,趕到連佢最鍾意食既通粉都只係食左一半就要上船啦!經過大概一個鐘頭既船程之後,我地就到左我地既目的地-----澳門啦!
一落船我地就去左酒店Check in先,跟住就開始我地既步行之旅啦!我地成個旅程既主要交通工具就係對腳,行到腳都跛埋去完大三巴,大炮台,之後就再去松山燈塔,然後答左四十蚊的士去食水佬榮花甲蟹煲,D湯真係無得頂,雖然係貴d,但係值得再去,唔知我鋪頭整唔整到呢?跟住又行....行呀.行...行行下.竟然可以行到返酒店,犀利....跟住去左金沙玩兩手...贏左廿蚊走.....跟住第二日去左'愚'人碼頭,影左好多靚相呀我地,我發揮出我做攝影師既潛質,影左好多靚靚相,我同粉絲小姐都好滿意呢...跟住再黎賭場.....唉!都係唔提d衰野啦!呢個月要慳D先得啦~~不過都有得著的,因為唔識賭錢既粉絲小姐終於都知咩叫百家樂,咩係Poker,原來佢都幾旺架!份人無乜點,成日都到8,9點!一點都有得贏...厲害啊!唔經唔覺又到要返香港既時候啦!船程途中我地都累得睡著了,但係返到香港並唔代表我地既旅程結束,我地殺落去Neway唱K唱到11點幾,頂唔順,真係要4返屋企訓啦~~呢兩日我地兩個人不停玩,玩,玩,去左好多地方,影左好多靚相~希望我地下次去旅行更加開心就好啦!
 13. december 相愛很難....其實不難有感覺、有默契；互相了解、體諒、包容；彼此信任、尊重、欣賞；願為對方設想、效勞、犧牲；步伐一致、共同進退、甘苦與共；將對方放在第一位，決心成為對方的第一位……
愛要是到達了這理想境界，便能將一切困難化解。 不過~~並不保證能阻止外來因素的影響。
7. december 海洋公園遊記....對上一次去海洋公園我諗要數到上年既哈佬喂啦!6號一大清早爬起身去屯門接粉絲一齊去瘋狂勁玩既一日,食完早餐之後我地就正式出發去我地既目的地!大概十一點鐘左右去到啦!由山上一路玩到落山下,幸運地今日既海洋公園比預期中少人,所以好多野我地都可以玩兩次,包括果部玩完好想再玩,但係一扣安全帶就後悔既跳樓機,過山車同海盜船對於我地黎講已經係悶到玩多次都覺得浪費時間既地步,所以只係玩左一次~~途中我地影左好多靚相呀!好開心既一日,多謝粉絲小姐成日陪我去玩! 23. november 久遺了.....上左廣州咁耐,大家有無掛住我呢?呢次既旅程,好多體驗....上年kick住既位今年一樣kick住~唉!不過算啦大陸係咁架啦~無得改!!
今次修船可以話係我人生轉捩點,點解??因為我經歷人生第一次既挖角,我都估唔到,雖然未成事,但感覺好開心,起碼好似有人認同自己先啦!証明呢個世界係無懷才不遇既,只要識得係適當時候表現自己就無問題啦!究竟將來會係點呢?我都唔知道呀!好希望自己能夠做得好,唔好令到我既伯樂失望啊!各位老友要多多支持我呀~
到感情方面,所謂小別勝新婚,返到黎同粉絲小姐既感情好似再進一步左咁喎!家下我都唔怕肉麻囉~我愛你呀~~周敏琪....各位朋友,你地覺凍就著多件衫啦!想嘔就去睇醫生啦,吹咩~~真開心,希望大家可以祝福下我地啦! 31. oktober 3hit Combo尋日同粉絲小姐去左好多地方,我地去左我地個集圖冊入面既三個地方,首先朝早起身就去左佢'屋企'接佢,.......出發.......第一個地方要去既就係天水圍濕滯公園,名符其實...真濕滯,從來無諗過一個保育地區可以咁噪,沿途見到好多叫人蕭靜既牌,但係好似唔多有用,噪既好多都係香港人黎架,又有人掉垃圾落去個濕地度,香港人真係要再教育先得啦!差唔多用兩個鐘行完,跟住就去下白泥影日落,時間岩岩好,影到好靚既咸旦黃,仲影左D靚相添,跟住就去左探險....??原來兩個人行一條無人又黑炆炆既小路又真係幾剌激架喎,終於行到去小巴站,好彩無行錯路  !!跟住出返去元朗,食我地講左好耐都未去既泰屋,環境唔錯喎,不過D野食就一般啦,粉絲話個波羅炒飯甜得滯喎.....好飽呀..然後送完佢返屋企就自己返屋企訓死左啦 18. oktober 重拾兒時感覺....好耐都無玩過啦!自從全職返祥威之後,好耐都無出去玩啦,有時候見到人地玩得好開心,自已又會心郁郁想去玩返下,就好似細細個既時候見到人地玩自已無得玩果D感覺~但係我又唔係話要玩得好癲果D,依家有陣時想同D朋友出黎聚下,但係真係極級眼訓,都係無出黎,各位老友,原諒下啦! 5. oktober 南生圍後記10月2日的公眾假期,我和小公主到了她所說已久,景色優美的南生圍去影相郊遊!甫到步,已看到飛鳥處處,很有大自然氣息啊,果然無介紹錯喎!接著我們兩人便漫步至各個景點,有很多在電影中看過的地方,我們像探險般一步步的走進長草堆中,看到的又是另一番景象,公主說常有人在這地方取景影婚紗相,我想這也真的是個好選擇呢!但無論身邊的風景有多美,也比不上看著我身邊那人的笑臉吸引~ 22. september 兩個月紀念話咁快就兩個月啦!尋日去左黃金海岸食飯慶祝,俾佢阿妹話我地兩個月都要慶祝,駛唔駛呀?我就覺得慶祝只不過係個名姐,實際上就係俾個機會我地去D好D情調 ,浪漫D既地方食餐好D既,最終都係揀左一個地中海餐廳,但係唔係食地中海菜,吹漲~~三個月我地要去半島酒店既 Chesa 瑞樵閣食瑞士菜,有人問:瑞士菜有咩食呢?瑞士雞亦?瑞士糖?瑞士卷??哈!傻瓜!! 兩個月雖然係短D,但係我地好多溝通交流既機會,雖然我無乜時間陪佢,但係好彩佢都無炸我型,多謝見諒!有D人以為我日日陪住你無時間搵佢地,但係佢地唔知我家下返緊兩份工,日日除左訓覺既時間之外,其他時間都要返工,真係打飛機都唔得閒啦!X先生,唔該你檢討一下你自己尋晚所講既說話,我覺得你講既野完全唔體諒我既情況,其他人可以咁講,因為我真係少左搵佢地,但係你自己諗下,我同你邊個打俾邊個多D,先有資格去講你果番說話!變...自問我無變,只不過係時間少左,累左!明我既自然會明,唔明既...我講多都無用! 28. august 九記牛腩,梅窩一日遊,羅富記魚皮...天呀!What A Wonderful Day!!!已經記不起上次到梅窩是多少年前,星期六那天重踏這地方,感覺是輕鬆,寧靜.....出發前我們先到了九記去食咖喱牛腩伊麵,真的萬人空巷看得小蕃薯也傻了眼,之後浩浩蕩蕩地往我們的目的地進發,個多小時的船程,貶眼之間就過去了,租了屋之後我們四處遊盪,意想不到這離島地方竟也有一間頗有情調的餐廳,就坐下來吧!!幸好英文還會說一點,還會點菜~飽餐一頓之後,到超市買了點零食和飲品,全日的行程就結束了,第二日的行程--離開梅窩後,我們到了羅富記去食魚皮,勁好彩地最後一碟給我們買到了,兩日裡吃了我最喜愛吃的兩間食店真的很滿足啊~~吃完之後,偶像就去了卡拉OK表演給fans看,今天的表演....不過不失吧!!歡樂既時間過得特別快,又係時候講拜拜..唱完K之後就返左鋪頭幫手了,今天也頗為旺場,好生意呀,老闆!!!哈哈~~之後阿成同D fd 落左黎食飯,佢地食完飯之後就到我地既指定動作,鬥地主啦!簡直贏到開巷呀~~炸炸炸炸炸~~~~炸到阿成叫救命!嘻~之後返屋企--即訓 zzzzzzzzzzzzzzzzzzzzzzzzzzzzz.........仲要訓到今朝唔知醒添~~好累呀!! |
||||||||||||||||||
Send en privat meddelelse
Abonner på RSS-feed
Fortæl en ven
Føj til Live.com
Føj til dit netværk
Tilmeld dig til at modtage beskeder
|
|
